ԿԳՄՍ նախարարության և Հայաստանի ազգային պարալիմպիկ կոմիտեի միջև դրամաշնորհային պայմանագիր է կնքվել

ՀՀ ԿԳՄՍ նախարարության և Հայաստանի ազգային պարալիմպիկ կոմիտեի միջև կնքված դրամաշնորհային պայմանագրի համաձայն՝ ՀՀ պետական բյուջեի միջոցներով կֆինանսավորվեն Հայաստանի պարա աթլետիկայի, պարա փաուերլիֆթինգի, պարա սեղանի թենիսի և անվասայլակով բասկետբոլի Հայաստանի առաջնությունները։  Այս մասին հայտնում է Պարալիմնիկ կոմիտեի մամլո ծառայությունը։

Հատկացված միջոցների հաշվին կիրականացվի նաև հավաքական թիմերի մասնակցությունը հետևյալ 4 միջազգային մրցաշարերին՝

1. Պարա փաուերլիֆթինգի Եվրոպայի առաջնություն, Թբիլիսի

2. Պարա սեղանի թենիսի միջազգային առաջնություն, Օստրավա

3. Պարա կանոեի Եվրոպայի առաջնություն, Մոնտեմոր-Օ-Վելյո

4. Պարա աթլետիկայի միջազգային առաջնություն, Նոթվիլ

Նշված 8 միջոցառումների կազմակերպման և մասնակցության ապահովման համար կհատկացվի ընդհանուր 21․037․810 դրամ։