112՝ մեկ զանգ, արագ արձագանք. փետրվարի 15-ից կգործի ՆԳՆ օպերատիվ կառավարման կենտրոնի միասնական հեռախոսահամարը
Փետրվարի 15-ից կգործի ՆԳՆ օպերատիվ կառավարման կենտրոնի 112 միասնական հեռախոսահամարը, որը հնարավորություն կտա մեկ զանգով ապահովել թե՛ Ոստիկանության, թե՛ Փրկարար ծառայության օպերատիվ արձագանքը։ Այս մասին տեղեկացնում են ՆԳՆ-ից։
«112-ը կնպաստի արձագանքման ժամանակի նվազեցմանը՝ բացառելով ծառայությունների հետ առանձին կապ հաստատելու անհրաժեշտությունը և բարձրացնելով օգնության կազմակերպման արդյունավետությունը»,- ասվում է հաղորդագրությունում։
