Թուրքիայում «Իսլամական պետությանն» անդամակցելու համար կասկածվող 357 մարդ է ձերբակալվել. Երլիքայա
Թուրքիայում «Իսլամական պետություն» խմբավորմանն անդամակցելու համար կասկածվող 357 մարդ է ձերբակալվել՝ հայտնել է Թուրքիայի ներքին գործերի նախարար Ալի Երլիքայան:
Նրա խոսքով՝ առավոտյան ոստիկանությունը երկրի 21 գավառում գործողություններ է իրականացրել:
Բացի այդ, նախարարը հայտնել է, որ Յալովում երեկ ձերբակալվել է 16 անձ, որոնք սոցիալական ցանցերում սադրիչ հաղորդագրություններ են հրապարակել ահաբեկչության դեմ պետության գործողության կապակցությամբ:
