Ավտովթար Րաֆֆու և Սեբաստիայի փողոցների խաչմերուկում, տուժածները հոսպիտալացվել են

Նոյեմբերի 15-ին՝ ժամը 10:31-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Րաֆֆու և Սեբաստիայի փողոցների խաչմերուկում տեղի է ունեցել ՃՏՊ, կա արգելափակված քաղաքացի. անհրաժեշտ է փրկարարների օգնությունը։

Դեպքի վայր են մեկնել ՆԳՆ ՓԾ Երևան քաաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Պարզվել է, որ բախվել են Toyota և Nissan մակնիշների ավտոմեքենաները։

Փրկարարները հոսանքազրկել են Toyota մակնիշի ավտոմեքենան, փակել գազի բալոնի փականը, ավտոմեքենայի ուղևորին դուրս բերել արգելափակումից և մոտեցրել շտապօգնության ավտոմեքենային. վերջինս և վարորդը հոսպիտալացվել են բժշկական կենտրոն։