ՄԱԿ ԳԱ 80-րդ նստաշրջանի Առաջին կոմիտեի սովորական սպառազինությունների թեմատիկ քննարկման ժամանակ ՀՀ պատվիրակությունն ընդգծել է սովորական սպառազինությունների արդյունավետ վերահսկման ռեժիմի կարևորությունը միջազգային և տարածաշրջանային մակարդակներում խաղաղության և անվտանգության պահպանման գործում։ Այս մասին հայտնում է ՄԱԿ-ում ՀՀ ներկայացուցչությունը:
«Պատվիրակությունը վերահաստատել է նաև ՀՀ պատրաստակամությունը համագործակցել համախոհ պետությունների հետ՝ համապատասխան միջազգային հարթակներում մահաբեր ինքնավար ռազմական համակարգերի փոխանցման խնդիրները հասցեագրելու համար։ Պատվիրակությունը նաև ընդգծել է, որ այդ համակարգերի անպատասխանատու փոխանցումը կարող է ունենալ սահմաններ չճանաչող բացասական հետևանքներ և կարող է սպառնալ բոլոր պետությունների անվտանգությանը։
Այս առումով, փոխանցման յուրաքանչյուր որոշում պետք է հիմնավորված լինի ռիսկերի խիստ գնահատմամբ, որպեսզի այդ համակարգերը չհայտնվեն միջազգային խաղաղությանը սպառնալիք ներկայացնողների ձեռքերում»,- ասվում է հաղորդագրության մեջ։
