Թբիլիսիի գործող քաղաքապետ Կախա Կալաձեն հավաքել է ձայների 71,29%՝ 584 ընտրատեղամասից 432-ի արդյունքների նախնական հաշվարկով, տեղեկացրել է Վրաստանի Կենտրոնական ընտրական հանձնաժողովը։
Նախնական տվյալներով՝ Կալաձեի օգտին քվեարկել է 153,479 ընտրող։
Նրա հիմնական մրցակիցը՝ «Ուժեղ Վրաստան-Լելո» կուսակցության թեկնածու Իրակլի Կուպրաձեն, հավաքել է 12,52% (26 955 ձայն), իսկ «Գիրչի» կուսակցության ներկայացուցիչ Յագո Խվիչիան՝ 7,624% (16 414 ձայն)։
Մյուս թեկնածուների արդյունքներն են․
Զուրաբ Մախարաձե («Պահպանողականներ Վրաստանի համար») – 4,185% (9 009 ձայն)
Կախա Կուկավա («Ազատ Վրաստան») – 1,497% (3 223 ձայն)
Օթար Չիտանավա («Վրաստանի հայրենասիրական դաշինք») – 0,896% (1 930 ձայն)
Գիորգի Գաչեչիլաձե («Կանաչների կուսակցություն») – 0,785% (1 691 ձայն)
Թեյմուրազ Բոկելավաձե («Հայրենիք, լեզու, հավատք») – 0,771% (1 660 ձայն)
Գիորգի Լիլուաշվիլի («Վրաստան») – 0,43% (926 ձայն)
Ընտրությունը տեղի է ունեցել շաբաթ օրը՝ Վրաստանի 64 քաղաքում և շրջանում։ Քաղաքացիները ընտրել են քաղաքապետներ և տեղական ինքնակառավարման մարմինների՝ սակրեբուլոների պատգամավորներ։
Ընտրելու իրավունք ունեցող 3 միլիոն 513 հազար 818 Վրաստանի քաղաքացիների համար բացվել է 3061 ընտրատեղամաս։
ԿԸՀ տվյալներով՝ ժամը 20:00-ի դրությամբ ընտրատեղամասեր է եկել 1 438 116 ընտրող, ինչը կազմում է ընտրողների ընդհանուր թվի 40.93%-ը։
Ընտրություններին հետևել է 28 միջազգային և 27 տեղական կազմակերպություն, իսկ գործընթացը լուսաբանել է ավելի քան 73 լրատվամիջոց։
Նախնական տվյալներով, «Վրացական երազանք» կուսակցությունը բոլոր շրջաններում հաղթել է ՏԻՄ ընտրություններում։
