Լավրովի հետ հանդիպմանը Ռուբիոն կրկնել է Թրամփի կոչը՝ դադարեցնել պատերազմն Ուկրաինայում

ԱՄՆ պետքարտուղար Մարկո Ռուբիոն սեպտեմբերի 24-ին, Նյու Յորքում հանդիպել է Ռուսաստանի արտգործնախարար Սերգեյ Լավրովի հետ։

Պետքարտուղարը կրկնել է նախագահ Թրամփի կոչը՝ դադարեցնել սպանությունները և ընդգծել է Մոսկվայի կողմից էական քայլեր ձեռնարկելու անհրաժեշտությունը՝ ռուս-ուկրաինական հակամարտության երկարաժամկետ կարգավորման համար` ասվում է ԱՄՆ Պետքարտուղարության հայտարարության մեջ։

Ռուսական կողմը դեռ չի մեկնաբանել Ռուբիոյի և Լավրովի հանդիպումը, որը տեղի է ունեցել ՄԱԿ Գլխավոր վեհաժողովի շրջանակում և տևել է մոտ 50 րոպե։