Կատալոնցի քաղաքական գործիչների նկատմամբ Իսպանիայի դատարանի կայացրած դատավճիռների դեմ բողոքի ցույցերը շարունակվում են:
Անկախության կողմնակիցները տարածաշրջանի տարբեր քաղաքներից շարժվել են Բարսելոնա՝ մասնակցելու համընդհանուր գործադուլին: Երեք օրվա ընթացքում «ազատության երթի» շարասյուներն անցնելու են 100 կիլոմետր:
Դատավճիռների հրապարակումից հետո սկսված անհնազանդության շարժման գագաթնակետը՝ Բարսելոնայի կենտրոնում իրավապահների հետ բախումներն էին: Արդյունքում 200 մարդ է տուժել, որոնցից 70-ը իրավապահներ են:
«Ազատության երթը» կազմակերպել են Կատալոնիայի ազգային վեհաժողովն ու Omnium Cultural հասարակական կազմակերպությունները, որոնց առաջնորդներ՝ Ժորդի Սանչեսը և Ժորդի Կուիշարը դատապարտվել են ինը տարվա բանտարկության:
