Սիրիայի հյուսիսում և հարավում բախումներ են տեղի ունեցել կառավարական ուժերի և կիսառազմական խմբավորումների միջև, կիրակի հաղորդել է The Guardian-ը։
Թերթը նշում է, որ փոխհրաձգություններ են եղել Սիրիայի հյուսիսում՝ զինվորականների և քրդական աշխարհազորայինների, ինչպես նաև հարավային Սուեյդա նահանգում՝ զինվորականների և դրուզ աշխարհազորայինների միջև։
Ըստ պարբերականի՝ նման բախումները ցույց են տալիս, որ Սիրիայի նոր իշխանությունները լուրջ խնդիրներ ունեն ներքին հակամարտությունները լուծելու հարցում։ Ներկայումս Դամասկոսը ձգտում է պահպանել դրուզների հետ հրադադարը, ինչպես նաև իրականացնել քրդերի հետ կնքված համաձայնագիրը, որի արդյունքում Սիրիայի իշխանությունները պետք է վերականգնեն վերահսկողությունը հյուսիսում գտնվող հսկայական տարածքների նկատմամբ։
