Շիրակի թեմի առաջնորդ Միքայել արքեպիսկոպոս Աջապահյանին քիչ առաջ իրավապահները ձերբակալեցին: Նա առավոտից Մայր Աթոռ Սուրբ Էջմիածնի բակում էր՝ այլ հոգևորականների հետ միասին:
Ավելի վաղ տեղեկացրել էինք, որ իրավապահները քննչական գործողություններ են իրականացնում Շիրակի թեմի առաջնորդարանում:
Միքայել Աջապահյանի՝ «երկրում ռազմական հեղաշրջում անելու» հայտարարությունների վերաբերյալ քրեական վարույթ է նախաձեռնվել`իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր անելու համար։
