Շաբաթ, կիրակի և տոն օրերին դեպի Կենդանաբանական այգի կգործի անվճար ավտոբուսային երթուղի
Շաբաթ, կիրակի և տոն օրերին մետրոյի «Երիտասարդական» կայարանի դիմաց գտնվող Կենդանաբանական այգու կանգառից դեպի այգի և հետադարձ ուղղությամբ գործում է անվճար ավտոբուսային երթուղի: Այս մասին տեղեկացնում են Երևանի քաղաքապետարանից:
2025 թ. ընթացքում Երևանի կենդանաբանական այգու տարածքում իրականացվել և այս պահին շարունակվում են գործող, ինչպես նաև նոր ենթակառուցվածքների և ճեմուղիների ընթացիկ վերանորոգման, կառուցման, բարեկարգման մի շարք կարևոր աշխատանքներ:
Ծրագրով արդիականացվել են նաև կենդանիների ազատավանդակները: Արդեն մի քանի օրից այգու այցելուները կկարողանան տեսնել նաև ցուցադրվող նոր մի քանի կենդանատեսակ, որոնք նախկինում չեն ցուցադրվել:
