Մերձմոսկովյան Բալաշիխայում ավտոմեքենայի պայթյունի հետևանքով զոհվել է գլխավոր շտաբի գլխավոր օպերատիվ վարչության պետի տեղակալ Յարոսլավ Մոսկալիկը, հայտնել են Ռուսաստանի քննչական կոմիտեից: Գեներալ-լեյտենանտ Իգոր Կիրիլովից հետո, որը պայթյունի հետևանքով մահացել էր Մոսկվայում՝ 2024 թվականի դեկտեմբերին, նա ամենաբարձրաստիճան ռուս զինվորականն է, որը զոհվում է Ուկրաինայում ընթացող պատերազմի ժամանակ։
Ըստ տարբեր աղբյուրների՝ պայթյունից մահացել է երկու մարդ:
ՏԱՍՍ լրատվական գործակալությունը, հղում անելով արտակարգ ծառայություններին, հայտնել է, որ պայթյունը տեղի է ունեցել ինքնաշեն պայթուցիկ սարքի պատճառով։ Ավելի վաղ գործակալությունը գրել էր, որ այն կարող էր առաջացած լինել գազի բալոնի պատճառով։
