Գրանցվել է 728 դեպք, որից 321-ը՝ արտակարգ. ՆԳՆ ՓԾ-ն ամփոփել է անցած շաբաթը

Մասնավորապես՝ հրդեհի՝ 241, փլուզման, դիակի հայտնաբերման՝ 2-ական, վայրի կենդանիների հարձակման, բնական հրդեհ, պայթյունի, ջրահեղձման, զինամթերքի հայտնաբերման՝ 1-ական, ջրային հաղորդակցման ուղիներին պատահարի, ուժեղ քամու՝ 3-ական, կենսաապահովման կոմունալ համակարգերում վթարի, դժբախտ պատահարի՝ 4-ական, որոնողափրկարարական՝ 8, թունավորման՝ 5, օձի նկատման՝ 41, կեղծ ահազանգի՝ 6, ինքնասպանության փորձի՝ 17, ճանապարհատրանսպորտային պատահարի՝ 56, ինչպես նաև՝ կենցաղային կանչի՝ 192, հրդեհի ծագման սպառնալիքի՝ 50, հրդեհի կեղծ կանչի՝ 32, 57 այլ դեպքեր:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 18 դեպք: Փրկարարներն օգնություն են ցուցաբերել 26 քաղաքացու և անվտանգ տարածք տեղափոխել ավտոճանապարհներին արգելափակված 19 տրանսպորտային միջոց:

Նախորդ շաբաթվա ընթացքում տուժել է 95, զոհվել՝ 16 մարդ: Փրկարարական գործողությունների արդյունքում փրկվել է 12 մարդ:

 

Փրկարար ծառայությունը հորդորում է պահպանել անվտանգության կանոնները: