Ստոկհոլմի ֆիլհարմոնիայում տեղի է ունեցել ֆիզիկայի, քիմիայի, բժշկության, գրականության և տնտեսագիտության բնագավառներում 2023 թվականի Նոբելյան մրցանակների հանձնման արարողությունը:
Շվեդիայի թագավոր Կարլ 16-րդ Գուստավը պատվոգրեր և ոսկե մեդալներ է հանձնել 10 դափնեկրի:
Մրցանակների հանձնումից հետո դափնեկիրները, հյուրերը, թագավորական ընտանիքի և կառավարության անդամները, գիտական, գործարար և մշակութային վերնախավի ներկայացուցիչները մասնակցել են Ստոկհոլմի քաղաքապետարանի կազմակերպած ավանդական խնջույքին:
Նորվեգիայի մայրաքաղաք Օսլոյում էլ դեկտեմբերի 10-ին կայացել է Խաղաղության Նոբելյան մրցանակի հանձնման արարողությունը։
Այս տարի այն շնորհվել է ազատազրկման դատապարտված իրանցի իրավապաշտպան Նարգիս Մոհամադին, որը պայքարում է «Իրանում կանանց ճնշումների դեմ ու մարդու իրավունքներն ու ազատությունը խթանելու համար»:
Դիպլոմն ու ոսկե մեդալը ստացել են նրա երեխաները՝ 17-ամյա Ալի և Կիանա Ռահմանիները: Արարողությունից հետո նրանք ողջունել են Նորվեգիայի խաղաղության խորհրդի՝ ի պատիվ հացադուլ հայտարարած իրենց մոր կազմակերպած ջահերով երթի մասնակիցներին:
