Ermənistanın iqtisadiyyat naziri Gevorq Papoyan oktyabrın 1-də Aşqabadda Türkmənistanın maliyyə və iqtisadiyyat naziri Mammetquli Astanaqulov ilə görüşüb. Görüşdə Ermənistan Respublikasının Türkmənistandakı fövqəladə və səlahiyyətli səfiri Arsen Avagyan da iştirak edib. Bu barədə Ermənistanın İqtisadiyyat Nazirliyindən məlumat verilib.
İki ölkə arasında ticarət-iqtisadi və investisiya əməkdaşlığının genişləndirilməsi, erməni məhsullarının ixracı, eləcə də işgüzar əlaqələrin aktivləşdirilməsi imkanları müzakirə olunub.
Əməkdaşlığın müxtəlif istiqamətləri üzrə mövcud potensialın reallaşdırılması və yeni imkanların üzə çıxarılmasına toxunulub. Tərəflər işgüzar əlaqələrin aktivləşdirilməsini və qarşılıqlı faydalı birgə layihələrin həyata keçirilməsini vacib hesab ediblər.
