ABŞ Ukraynada davamlı sülhün bərqərar olmasının əsas şərtləri ilə bağlı Kiyev və Avropa ilə mövqeləri razılaşdırmaq niyyətindədir. Bunu ABŞ prezidentinin nümayəndəsi Cared Kuşner ABŞ-nin xüsusi elçisi Stiv Uitkoffla Berlinə yola düşməzdən əvvəl bəyan edib. O qeyd edib ki, qarşıdakı görüşün prioritetlərindən biri də Ukrayna və Avropa ilə fəaliyyətin sıx əlaqələndirilməsidir.
Bundan əlavə, çoxtərəfli danışıqların növbəti mərhələsinin gündəliyinin və formatının müəyyənləşdirilməsi nəzərdə tutulur.
Danışıqlar səyləri ilə paralel olaraq Rusiya və Ukrayna arasında hərbi əməliyyatlar davam edir. Krım körpüsü bu həftə artıq üçüncü dəfə hücuma məruz qalıb. Körpüdə nəqliyyatın hərəkəti müvəqqəti dayandırılıb.










