Հարավային Կորեան հետ է կանչել Ուկրաինայում իր դեսպանին՝ ռազմագերիների հարցով դիվանագիտական վեճի պատճառով: Կորեայի Հանրապետության արտաքին գործերի նախարարությունը հույս է հայտնել, որ երկու երկրների միջև առկա խնդիրները կլուծվեն:
Կիևի և Սեուլի միջև լարվածության առիթ է դարձել այն, որ Ուկրաինայի նախագահ Վոլոդիմիր Զելենսկին ՄԱԿ-ի Գլխավոր ասամբլեայում իր ելույթում հայտնել էր, որ Հարավային Կորեային են փոխանցվել հյուսիսկորեացի երկու զինվորականներ, որոնք գերեվարվել էին Ռուսաստանի կողմից կռվելու ընթացքում:
Սա զայրացրել է Հարավային Կորեային, քանի որ, ըստ Սեուլի, եղել է պայմանավորվածություն չհրապարակայնացնել այդ քայլը: Կիևը, սակայն, հերքում է ռազմագերիների փոխանցումը գաղտնի պահելու վերաբերյալ պայմանավորվածության առկայությունը: Հարավային Կորեան Ուկրաինայից պահանջել է ներողություն խնդրել՝ խոստանալով, որ հակառակ դեպքում համապատասխան միջոցներ կձեռնարկի:
Մանրամասները՝ Սյուզաննա Չրաղյանի տեսաշարում:
