Գնել Սանոսյանը «Ռոսատոմի» ներկայացուցիչների հետ քննարկել է ատոմային նոր էներգաբլոկի կառուցման հարցեր
ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է «Ռոսատոմ» պետկորպորացիայի գլխավոր տնօրենի գիտության և ռազմավարության գծով տեղակալ, «ՏՎԷԼ» ԲԸ տնօրենների խորհրդի նախագահ Յուրի Օլենինի գլխավորած պատվիրակությանը։
Նախարարը ողջունել է հյուրերին և կարևորել «Ռոսատոմ»-ի հետ համագործակցությունը, այդ թվում՝ գիտական, գիտատեխնիկական կադրերի պատրաստման ոլորտում։
Նշվել է, որ Հայաստանը միջուկային էներգետիկայի ոլորտում գիտական ներուժ ունի և այդ ոլորտում հնարավոր է «Ռոսատոմի» հետ լավ համագործակցություն ձևավորել։
Նախանշվել է ատոմային էներգետիկայի ոլորտում նորարական տեխնոլոգիաների և լուծումների վերաբերյալ համատեղ մշակումներ իրականացնելու հնարավորությունը։
Հանդիպման ժամանակ քննարկվել են ատոմային նոր էներգաբլոկի կառուցման հետ կապված մի շարք հարցեր։
