2022-ի երկրորդ եռամսյակում նախորդ տարվա նույն եռամսյակի համեմատ ՀՆԱ-ն աճել է 13%-ով
2022 թ․ երկրորդ եռամսյակում Հայաստանի համախառն ներքին արդյունքը (ՀՆԱ) կազմել է 1 տրլն 898 մլրդ 759․5 մլն ՀՀ դրամ՝ նախորդ եռամսյակի 1 տրլն 484 մլրդ 608 մլն ՀՀ դրամի փոխարեն։ Այդ մասին հայտնում են ՀՀ Կառավարությունից:
Ընթացիկ տարվա երկրորդ եռամսյակում նախորդ տարվա նույն եռամսյակի համեմատ ՀՀ-ում ՀՆԱ-ն ավելացել է 13%-ով։ Առաջին եռամսյակում ՀՆԱ-ն տարեկան կտրվածքով աճել է 8․7%-ով։
2022 թ․ երկրորդ եռամսյակում Հայաստանում մեկ շնչի հաշվով ՀՆԱ-ն կազմել է 641105 ՀՀ դրամ, իսկ նախորդ եռամսյակում՝ 501303 ՀՀ դրամ։
