ՍԱՏՄ տեսուչներն ստուգայցեր են իրականացրել սննդի շղթայի 15 ընկերությունում
Հունվարի 18-ի երեկոյան ՀՀ սննդամթերքի անվտանգության տեսչական մարմնի տեսուչները Քովիդ-19-ի կանխարգելմանն ուղղված ստուգայցեր են իրականացրել սննդի շղթայի 15 ընկերություններում։ Արդյունքում՝ կազմվել է հակահամաճարակային նորմերի խախտման 1 արձանագրություն:
Հիշեցնենք, որ խախտումների արձանագրման դեպքում տնտեսավարողը նախազգուշացվում է կամ ենթարկվում վարչական պատասխանատվության՝ տուգանքի, 100-300 հազար, խախտման կրկնվելու դեպքում՝ 150-500 հազար դրամի չափով:
Կորոնավարակի կանխարգելման համար սահմանված հիմնական պահանջներն են՝ աշխատակիցներն ու գնորդները պետք է կրեն դիմակ, պահեն սոցիալական հեռավորություն, խանութներում պետք է հասանելի տեղում լինեն ձեռքերի ախտահանիչներ, մակերեսները պետք է պարբերաբար ախտահանվեն, ունենան ախտահանման գրանցամատյաններ, աշխատակիցները պետք է լինեն պատվաստված կամ ունենան ՊՇՌ թեստի բացասական պատասխան։
