Ուկրաինայի նախագահ Վոլոդիմիր Զելենսկին գործողության մեջ է դրել Ազգային անվտանգության և պաշտպանության խորհրդի որոշումը՝ ՌԴ 23 քաղաքացիների և 5 ուկրաինացիների (Դոնեցկի և Լուգանսկի բնակիչներ) նկատմամբ պատժամիջոցներ սահմանելու մասին, հայտնել է Ուկրաինայի նախագահի գրասենյակը։
Ուկրաինայի Անվտանգության խորհուրդն օգոստոսի 20-ին որոշում էր ընդունել պատժամիջոցներ սահմանել մի շարք ֆիզիկական և իրավաբանական անձանց նկատմամբ: Այդ պատժամիջոցները վերաբերում են ՌԴ արտաքին հետախուզության ծառայության գեներալների, Ղրիմից դատավորների, որոնք դատեր են վարում Ուկրաինայի քաղաքացիների դեմ: Ազգային անվտանգության և պաշտպանության խորհրդի որոշմամբ՝ սահմանափակող միջոցներ են կիրառվել նաև Գերագույն ռադայի անկախ պատգամավոր Անդրեյ Դերկաչի և ամերիկյան պատժամիջոցների տակ հայտնված այլ անձանց նկատմամբ:
