Ոստիկանության Արտաշատի բաժնի անչափահասների գործերով և ընտանիքում բռնության կանխարգելման բաժանմունքի ծառայողներն ստացված օպերատիվ տվյալներն իրացրին սեպտեմբերի 6-ին:
Արտաշատ քաղաքի Օրբելու փողոցից, թմրանյութ պահելու և օգտագործելու կասկածանքով, նրանք բերման են ենթարկել 71-ամյա մի տղամարդու, որի անձնական խուզարկությամբ հայտնաբերված փաթեթում կանեփանման բույսի չորացված, մանրացված զանգված էր:
Նա հայտնել է, որ այն թմրամիջոց է, քաղել և պատրաստել է վայրաճ կանեփի բույսերից` անձնական օգտագործման համար: Հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
