«Գյուղատնտեսական ծառայությունների կենտրոն» ՊՈԱԿ-ը անասնապահներին, համայնքի ղեկավարներին հորդորում և խնդրում է բարձր պատասխանատվությամբ մոտենալ գյուղատնտեսական կենդանիների պատվաստումներին:
«Հորդորում ենք աջակցել անասնաբույժներին, հետևել, որ պատվաստվի ամբողջ գլխաքանակը, իսկ hամայնքի ղեկավարներին` առանց ստուգելու չստորագրել ոչ մի փաստաթուղթ, «Գյուղատնտեսական ծառայությունների կենտրոն» ՊՈԱԿ-ը պատվաստումների մասին հավաստիանում է նաև իրենց ստորագրություններով»,- ասվում է ՊՈԱԿ-ի հաղորդագրության մեջ:
Նշենք նաև, որ հունիսի 24-25-ը խոշոր և մանր եղջերավորների շրջանում սիբիրյան խոցի դեմ կրկնակի պատվաստումներ են իրականացվել Գեղարքունիքի մարզի Վարդենիսի տարածաշրջանի Վանևան և Տորֆավան համայնքներում, իսկ հուլիսի 1-ին՝ Շիրակի մարզի Անիի տարածաշրջանի Իսահակյան համայնքում:
Ցանկացած հարցի ու բողոքների դեպքում անասնապահները կարող են զանգահարել 012 595939 հեռախոսահամարին, տեղեկացնում են ՊՈԱԿ-ից:
Գյուղատնտեսական ծառայությունների կենտրոնը հորդորում է պատվաստել գյուղատնտեսական կենդանիներին
Բաժիններ
Դիտումներ130
