Բռնցքամարտի Հայաստանի պատանեկան հավաքականը թիմային ձևաչափով անցկացված միջազգային մրցաշարում գրավել է 3-րդ տեղը
Բռնցքամարտի Հայաստանի պատանեկան հավաքականն Ուկրաինայի Խարկով քաղաքից ժամանել է Հայաստան: Թիմային ձևաչափով անցկացված միջազգային մրցաշարում մեր ընտրանին գրավել է 3-րդ տեղը:
Ընտրանու կազմում հատկապես հաջող մրցելույթներ են ունեցել 46 կգ քաշային Դավիթ Սաֆարյանը, 57 կգ քաշայիններ Արման Միսկարյանն ու Նարեկ Ներսիսյանը և 70 կգ քաշային Սուրեն Առաքելյանը: Նրանք անցկացրած 4 մենամարտից 3-ում հաղթանակ են տոնել:
Այս ստուգատեսը պատանի բռնցքամարտիկների համար մրցակցային փորձ ձեռք բերելու լավ հնարավորություն էր:
