Մոլդովայի նախագահ ընտրված Մայա Սանդուն «Եվրոպական ճշմարտություն» հրատարակությանը տված հարցազրույցում ասել է, որ Մերձդնեստրի հակամարտության կարգավորման բանակցություններում «մեղմ մոտեցումը» արդյունավետ չէ:
Սանդուն կարծում է, որ վերաինտեգրումից հետո դեռ պետք է գտնել տարածաշրջանի կարգավիճակը: Նա դեմ է Մոլդովայի դաշնայնացմանը, որը նախկինում առաջարկել էր գործող նախագահ Իգոր Դոդոնը:
«Հակամարտության կարգավորման ձևաչափը պետք է ներառի Մոլդովայի տարածքից ռուսական զորքերի ամբողջական դուրսբերումը: Մենք միշտ խոսել ենք այս մասին, և հետագայում էլ կխոսենք», - ասել է Սանդուն:
Նա նշել է, որ Մոլդովայի իշխանությունները ճանաչել են ինքնահռչակ Մերձդնեստրովյան Մոլդովական հանրապետությունը որպես բանակցային ձևաչափի մաս, և չնայած բոլոր քայլերին, կողմերը առաջընթաց չեն գրանցել տարածքների վերաինտեգրման գործընթացում:
Մերձդնեստրում հակամարտությունը սկսվել է 1990 թ.-ին, երբ տարածաշրջանն առանձնացավ Մոլդովական ԽՍՀ-ից, քանի որ այն չէր աջակցում ԽՍՀՄ-ի փլուզմանը: 1992-ի մարտի 2-ին տարածաշրջանում բախումներ սկսվեցին Մոլդովայի ոստիկանության և տեղի ապստամբների միջև, որի արդյունքում զոհվեց շուրջ հազար մարդ, տասնյակ մարդիկ վիրավորվեցին: Մարտերը շարունակվեցին մինչև հուլիս, երբ տարածաշրջան բերվեց ռուսական խաղաղապահ զորախումբ: Հակամարտությունը գտնվում է «սառեցման» փուլում:
