«Ոչ մի նոր բան տեղի չունեցավ։ Վարչապետը պարզապես հիշեցրեց, որ պատերազմ է, և որ մենք հաղթում ենք։
Որովհետև այլ տարբերակ չկա. ինչպես ասում էր Մոնթեն, միայն մեր հաղթանակի դեպքում է հնարավոր խաղաղություն։
Եվ ամեն մարդ, որ իրեն համարում է հայ ժողովրդի մի մասնիկ, իր ներդրումն է ունենալու այս պատմության մեջ։
Իրար հետ միասին, ամեն տարաձայնություն մի կողմ դրած, համարձակ, բայց խելացի, սառնասիրտ, հաշվարկով։ Պիտի շատ արդյունավետ աշխատենք՝ մոբիլիզացնելով համայն հայության ամբողջ ներուժը՝ մարդկային, ֆինանսական, գիտական, նյութական, և այդ ներուժով պիտի այս հարցը վերջնականապես լուծենք։
Մենք իրականում վախենալու չափ ուժեղ ենք, եթե միասին ենք։ Աննկարագրելի ուժեղ»,- ասված է ԱԺ «Իմ քայլը» խմբակցության պատգամավոր Բաբկեն Թունյանի ֆեյսբուքյան գրառման մեջ։
