Վարչապետը հայտնել է, որ Չինաստանից բերված թթվածնային խտացուցիչները բաշխվել են հենց օդանավակայանից
ՀՀ վարչապետ Նիկոլ Փաշինյանը հայտնել է, որ այսօր Չինաստանից ժամանած մեր բեռնատար ինքնաթիռով ստացանք 500 թթվածնային խտացուցիչներ, որոնք բաշխվելու են կորոնավիրուսային հիվանդությամբ հաստատված և կասկածելի դեպքերով զբաղվող բուժհաստատություններին, ինչը թույլ կտա էականորեն բարելավել թթվածնակախյալ պացիենտների բուժօգնությունը, նրանց հոսպիտալացումը իրականացնել ավելի արագ և նաև կանխարգելել այդպիսի պացիենտների առողջական վիճակի բարդացումը:
«Սարքերի բաշխումը արդեն իսկ սկսվել է հենց օդանավակայանից։
Մոտ օրերին կմատակարարվի ևս 130 նման սարքը, ինչը փաստացի թույլ կտա բավարարել մեր երկրի այս պահի ամբողջական պահանջարկը: Քննարկվում է նաև նման սարքերը տնային օգտագործման տալու հնարավորությունը:
Սարքերը ձեռք են բերվել ՀՀ պետական բյուջեի միջոցներով»,- գրել է վարչապետը Ֆեյսբուքում ու տեղադրել տեսանյութ։
