Առանձնացվել են տարբեր վայրեր՝ քաղաքացիների արդյունավետ մեկուսացման համար. վարչապետի խոսնակ
Վարչապետի խոսնակ Մանե Գևորգյանը Ֆեյսբուքում անդրադարձել է Կարեն Դեմիրճյանի անվան մարզահամերգային համալիրի հետ կապված տարածվող լուրերին:
«Հարգելի գործընկերներ,
Պարետատունը դիտարկում է կորոնավիրուսով պայմանավորված զարգացումների տարբեր սցենարներ և սցենարներից յուրաքանչյուրի համար պատրաստում համապատասխան արձագանքի մեխանիզմներ։
Առանձնացվել են տարբեր վայրեր, որոնք կարող են արդյունավետ ծառայել մեր համաքաղաքացիների մեկուսացման համար, եթե նման անհրաժեշտություն կառաջանա։ Վայրերից մեկն է Կարեն Դեմիրճյանի անվան մարզահամերգային համալիրը: Ցանկանում ենք շեշտել, որ համալիրը այս նպատակով օգտագործելու անհրաժեշտություն կարող է և չառաջանալ»:
