Մեղրիի սահմանային անցակետն արդիականացնելու համար կառավարությունը 10.6 միլիոն եվրոյի արժողությամբ վարկային համաձայնագիր է կնքել Վերակառուցման և զարգացման եվրոպական բանկի հետ։ Վարկային համաձայնագրի հավանության հարցն ընդգրկված է կառավարության մարտի 25-ի նիստի օրակարգում։
«Մաքսակետի տարածքի ընդհանուր մակերեսը կազմում է 8.7 հա: Սահմանների ինտեգրացված կառավարման միջազգային ստանդարտներին համապատասխան սահմանային անցակետի գործառույթները լիարժեք ապահովելու նպատակով՝ նախատեսվում է կառուցել երկհարկանի վարչական շենք՝ 4000 քմ կառուցապատման մակերեսով՝ տանիքում 1500 քմ արևային էներգակայանով: Մաքսակետի տարածքում լինելու են տրանսպորտի մուտքի ու ելքի զննման մասնաշենքեր, սանիտարական, բուսասանիտարական, անասնաբուժական հսկման կայան, բրոքերային մասնաշենքեր, բեռնատարների ռենտգենային զննման մասնաշենք»,-նշված է վարկային համաձայնագրի նախագծի հիմնավորումներում։
Վարկի մարման ժամկետը 15 տարի է, որից արտոնյալ ժամկետ է 3 տարին։ Այց անցակետով ուղևորահոսքը անցյալ տարի կազմել է 124.000 մարդ, մաքսակետի ընդհանուր տարածքը կազմում է 8.7 հեկտար տարածք։
