Թուրքիայի պաշտպանության նախարար Հուլուսի Աքարը հայտարարել է, որ Ռուսաստանը թուրքական զինուժի տեղակայման վայրերի մասին ստույգ տեղեկություն ունենալով հանդերձ է օդային հարձակում իրականացրել։ Այս մասին հայտնում է ermenihaber-ը:
Հուլուսի Աքարն ասել է, որ իրենք տեղյակ էին պահել ռուս պաշտոնյաներին թուրքական զորքի տեղակայման վերաբերյալ և չնայած դրան՝ Ռուսաստանը հարձակում է իրականացրել՝ հարվածելով նույնիսկ տարածքի շտապ օգնության մեքենաներին։
Ըստ Թուրքիայի պաշտպանության նախարարի հայտարարության՝ ռուսական կողմը ոչ միայն նախապես տեղյակ է եղել թուրքական զինուժի մասին, այլև առաջին հարձակումից հետո զգուշացվել է նրանց, բայց ռուսները զգուշացումից հետո էլ շարունակել են հարվածներ հասցնել։
Նա ընդգծել է նաև, որ թուրքական զորքի կազմում չեն եղել այլ զինված խմբեր։
Թուրքիայի պաշտպանության նախարարը հայտարարել է, որ հարձակումից հետո թուրքական զորքը հարված է հասցրել Սիրիայի կառավարական ուժերին և վնասազերծել 309 սիրական բանակի զինվոր, ոչնչացրել մեկական SA-17 և 1 SA-22 հակաօդային պաշտպանության համակարգեր, 5 ուղղաթիռ, 23 տանկ, 23 հրանոթ և հրետանային ինքնագնաց կայանք:
