Եվրոպայի ներկայացուցիչները պատրաստ են Մոսկվա գալ պատերազմի ավարտի շուրջ բանակցություններին լիարժեք մասնակցության պայմանով։
Այսպես են Ֆրանսիայի նախագահի աշխատակազմում մեկնաբանել Վլադիմիր Պուտինի՝ նոյեմբերի 19-ի հայտարարությունը, որում նա հայտնել էր, որ Ռուսաստանն առաջարկել է Եվրոպայի ներկայացուցիչներին գալ Մոսկվա։
Ելիսեյան պալատում դրական են գնահատել այն փաստը, որ Ռուսաստանն առաջարկում է երկխոսությանը պաշտոնական բնույթ հաղորդել։
Փարիզի ներկայացուցչի խոսքով՝ Եվրոպայի պահանջն այն է, որ այդ երկխոսության սկիզբը կամ ֆորմալացումը նշանակի, որ Ռուսաստանն այսուհետ ճանաչում է եվրոպական կողմի լիարժեք դերը բանակցություններում, և որ եվրոպական կողմը կարող է ակտիվորեն մասնակցել ԱՄՆ-ի և Ուկրաինայի հետ բանակցությունների հաջորդ փուլին։










