Պեկինը դատապարտել է Կուբայի դեմ ամերիկյան պատժամիջոցները, որոնք ազդել են չինական երկու ընկերության վրա։
Չինաստանի արտաքին գործերի նախարարության մամուլի քարտուղար Գո Ծյակունը նշել էր, որ Չինաստանը դեմ է չին-կուբայական համագործակցությանը ԱՄՆ միջամտությանը և Վաշինգտոնի կողմից միակողմանի պատժամիջոցների կիրառման միջոցով այն խափանելու փորձին:
Նրա խոսքով` Պեկինի և Հավանայի համագործակցությունն «ազնիվ և օրինակա» է, և Չինաստանը վճռականորենորեն հանդես է գալիս «անօրինական միակողմանի պատժամիջոցների և, այսպես կոչված, «ընդլայնված իրավասության» դեմ, որոնք հիմքեր չունեն միջազգային իրավունքում և չեն արտոնվել ՄԱԿ-ի Անվտանգության խորհրդի կողմից»:
ԱՄՆ ֆինանսների նախարարությունն ավելի վաղ պատժամիջոցներ է սահմանել Կուբայի տնտեսության այն հատվածների ֆիզիկական և իրավաբանական անձանց դեմ, որոնք կապված են արտադրության, տեխնոլոգիաների, էլեկտրոնիկայի, ծովային գործի հետ: Պետքարտուղար Մարկո Ռուբիոն հայտարարել է, որ սահմանափակումներն ուղղված են Կուբայի էլիտայի ներկայացուցիչների, ինչպես նաև Կուբայի` Չինաստանում տեղակայված զինված ուժերի մատակարարների դեմ։
