Մարդու իրավունքները պետք է արտացոլվեն ոչ միայն միջազգային հանձնառություններում, այլև կենսաբազմազանության ազգային քաղաքականության մեջ

Մարդու իրավունքները պետք է արտացոլվեն ոչ միայն միջազգային հանձնառություններում, այլև կենսաբազմազանության ազգային քաղաքականության մեջ

Հոկտեմբերի 26-ին ՀՀ արտաքին գործերի և միջազգային առևտրի նախարարի տեղակալ Անի Ավետիսյանը ելույթով հանդես է եկել COP17 շրջանակներում կազմակերպված Մարդու իրավունքների և կենսաբազմազանության օրվա փակման միջոցառմանը։ Այս մասին հայտնում է նախարարությունը։

Անի Ավետիսյանն իր ելույթում կարևորել է COP17 ՀՀ նախագահության և ՄԱԿ Մարդու իրավունքների Բարձր հանձնակատարի գրասենյակի կողմից կազմակերպված շուրջօրյա միջոցառումը, որի շրջանակներում ազգային պատվիրակությունները, միջազգային կազմակերպությունները, քաղաքացիական հասարակությունն ու կենսաբազմազանության կոնվենցիայի հիմնական խմբերը հնարավորություն են ունեցել քննարկել կոնվենցիայի իրավունքահեն իրականացման խնդիրներն ու տեսլականը։

Նախարարի տեղակալն անդրադարձել է կենսաբազմազանության պահպանության շուրջ ջանքերի և մի շարք հիմնարար իրավունքների փոխկապակցվածության հարցերին, կարևորել հիմնական խմբերի, այդ թվում` բնիկ ժողովուրդների և տեղական համայնքների բովանդակային մասնակցությունը։

Շեշտվել է, որ մարդու իրավունքները պետք է արտացոլվեն ոչ միայն միջազգային հանձնառություններում, այլև կենսաբազմազանության ազգային քաղաքականության մեջ։ COP17-ի արդյունքները պետք է աջակցեն կոնվենցիայի կողմերին ազգային իրականացման խնդիրները բացահայտելու և ազգային շրջանակն ամրապնդելու գործում։

Բաժիններ

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում