Կոլումբիայի ղեկավարությունը որոշել է խզել դիվանագիտական հարաբերություններն Իրանի հետ՝ Թեհրանին մեղադրելով «միջազգային ահաբեկչական խմբավորումների և այլ նարկոտեռորիստական կազմակերպությունների հետ ենթադրյալ կապերի համար»։
Բոգոտան կարծում է, որ Իրանի իշխանությունները ներգրավված են նաև «Մարդու իրավունքների խախտումների, Մերձավոր Արևելքում հակամարտությանը չմասնակցող երկրների վրա հարձակումների, Հորմուզի նեղուցի շրջափակման, ինչպես նաև Իրանի միջուկային ծրագրի մասշտաբների ստուգման ուղղությամբ Ատոմային Էներգիայի միջազգային գործակալության ջանքերին խոչընդոտելու մեջ»:
Կոլումբիայի արտաքին գործերի նախարարությունը նշում է, որ դիվանագիտական հարաբերությունների խզումը չի ենթադրում հյուպատոսական կապերի խզում։
Օգոստոսին Աբելարդո դե լա Էսպրիելյան ստանձնեց Կոլումբիայի նախագահի պաշտոնը։ Քաղաքական գործիչը կողմ է Միացյալ Նահանգների հետ ռազմական համագործակցության ամրապնդմանը և մտադիր է քննարկել թմրակարտելների լաբորատորիաների դեմ հարվածներին ամերիկյան զինվորականների մասնակցության հնարավորությունը: Դե լա Էսպրիելյան նախատեսում է նաև վերականգնել Իսրայելի հետ հարաբերությունները, որոնք Գուստավո Պետրոյի կառավարությունը խզել էր 2024 թվականի մայիսին՝ Գազայի հատվածում հակամարտության ֆոնին:
