Ժաննա Անդրեասյանը հերթական հանդիպումն է ունեցել ուսուցիչների հետ․ սեպտեմբերին ընդառաջ
ԿԳՄՍ նախարար Ժաննա Անդրեասյանը հերթական անգամ ընդունել է ուսուցիչների՝ լսելու նրանց դիտարկումներն ու առաջարկները ոլորտային մի շարք հարցերի շուրջ:
Հանդիպման օրակարգային հարցերը վերաբերել են կամավոր ատեստավորման գործընթացի կազմակերպման մանրամասներին, կարևորվել է դրանցում փորձառու մասնագետների ներգրավումը: Քննարկվել են նաև հանրակրթության պետական չափորոշչին, դրանց արդյունավետ գործարկմանը, նոր դասագրքերի շահագործմանը, աշխատանքային պատշաճ միջավայրի ապահովմանը վերաբերող մի շարք հարցեր:
Նախարարությունից հայտնում են, որ ուսուցիչների հետ հանդիպումները շարունակական են:
Ընդունելությանը մասնակցելու համար անհրաժեշտ է հերթագրվել՝ լրացնելով դիմում-հայտը (հղում՝ https://shorturl.at/jIYiT):
