Ռուսաստանը շարունակում է պատերազմը՝ թույլ չտալու, որ Ուկրաինայի տարածքում ՆԱՏՕ-ի զորքեր տեղակայվեն. Պեսկով
Կրեմլի խոսնակը հայտարարել է, որ Ռուսաստանը շարունակում է պատերազմը՝ թույլ չտալու, որ Ուկրաինայի տարածքում ՆԱՏՕ-ի զորքեր տեղակայվեն։ Դմիտրի Պեսկովի խոսքով՝ դա միանգամայն անընդունելի է Մոսկվայի համար։
Նա պնդել է, որ եվրոպական երկրներում նման ծրագրեր են մշակում:
«Այդ թվում ՆԱՏՕ-ում՝ ամենաբարձր մակարդակով ասել են, որ Ուկրաինայի տարածքում օտարերկրյա զորքերի տեղակայման մտադրություն ունեն. այդ ծրագրերը, ենթադրաբար, պատրաստ են։ Ավելին՝ դա կարող է դիտարկվել որպես Ուկրաինայի համար անվտանգության երաշխիքների մի մաս»,- հավելել է Պեսկովը։
