Իսրայելի վարչապետ Բենիամին Նեթանյահուն ԱՄՆ նախագահ Դոնալդ Թրամփին հայտնել է, որ Իսրայելի պաշտպանության ուժերը (ՑԱՀԱԼ) չեն լքի Լիբանանը՝ չնայած ԱՄՆ-ի և Իրանի միջև կնքված հրադադարի համաձայնագրին՝ երկուշաբթի հայտնել է Ynet-ը՝ հղում անելով աղբյուրներին։
«Նեթանյահուն պարզաբանել է, որ ՑԱՀԱԼ-ը կմնա Լիբանանում իր ներկայիս դիրքերում և կշարունակի գործողությունները՝ «Հըզբոլլահի» սպառնալիքներին հակազդելու համար», - գրել է պորտալը։
Վարչապետի խոսքով՝ իսրայելցի զինվորականները կշարունակեն ոչնչացնել խմբավորման ենթակառուցվածքները և արձագանքել Իսրայելի վրա ցանկացած հարձակման։ Ynet-ը նշել է, որ Լիբանանի հարցում Նեթանյահուն ստացել է կաբինետի լիակատար աջակցությունը։
Ավելի վաղ Պակիստանի վարչապետ Շեհբազ Շարիֆը հայտարարել էր, որ ԱՄՆ-ն և Իրանը համաձայնության են եկել բոլոր ռազմաճակատներում, այդ թվում՝ Լիբանանում, ռազմական գործողությունների անհապաղ դադարեցման վերաբերյալ և փոխըմբռնման հուշագիրը կստորագրեն հունիսի 19-ին՝ Շվեյցարիայում։
