Պետեր Մադյարը բարձրացրել է Ուկրաինայում ապրող հունգարացիների իրավունքների հարցը

Հունգարիայի վարչապետ Պետեր Մադյարը Կիևին հիշեցրել է ԵՄ-ին Ուկրաինայի անդամակցության շուրջ բանակցությունների մեկնարկից առաջ Բուդապեշտի առաջադրած 11 պահանջը կատարելու անհրաժեշտության մասին: Այդ մասին հայտնել է Magyar Nemzet-ը։

Թերթը նշել է, որ Բուդապեշտում մտահոգված են ուկրաինական Անդրկարպատյան շրջանում բնակվող հունգարացիների իրավունքների ոտնահարմամբ: Ավելի վաղ Ուկրաինայի ԱԳՆ ղեկավար Անդրիյ Սիբիհան գրել էր, որ Կիևը պատրաստ է աշխատել Բուդապեշտի հետ Ուկրաինայում բնակվող հունգար ազգային փոքրամասնության իրավունքների խնդրի շուրջ:

ԵՄ-ին Ուկրաինայի անդամակցության վերաբերյալ բանակցությունների մեկնարկին խոչնդոտելը կարող է թանկ նստել Հունգարիայի վարչապետ Պետեր Մադյարի համար՝ հայտարարել են Եվրամիությունում: Այդ մասին հայտնում է Politico եվրոպական պարբերականը՝ հղում անելով իր աղբյուրներին։

Բացի դրանից՝ թերթը գրում է, որ Եվրահանձնաժողովի (ԵՀ) նախագահ Ուրսուլա ֆոն դեր Լայենը նախատեսում է «հնարավորինս շուտ» լուծել Ուկրաինայի՝ համայնքին անդամակցության վերաբերյալ բանակցությունները սկսելու հարցը, այսինքն՝ մինչև հունիսին կայանալիք ԵՄ առաջնորդների գագաթնաժողովը։