Պուտինին զեկուցել են նոր «Սարմատ» բալիստիկ հրթիռի հաջող արձակման մասին
Ռուսական զինված ուժերը «Սարմատ» նորագույն բալիստիկ հրթիռի հաջող արձակում է իրականացրել՝ ՌԴ նախագահ Վլադիմիր Պուտինի հետ հանդիպման ժամանակ զեկուցել է Ռուսաստանի Դաշնության ռազմավարական նշանակության հրթիռային զորքերի հրամանատար Սերգեյ Կարակաևը:
Նշվում է, որ այդ համալիրը գերազանցում է նախորդին թռիչքի հեռահարության, նետվող քաշի, արձակման պատրաստության, ինչպես նաև հակազդման միջոցների համալիրով, որը թույլ է տալիս հաղթահարել գոյություն ունեցող և հեռանկարային հակահրթիռային պաշտպանության համակարգերը:
Կարակաևը հայտնել է, որ նորագույն հրթիռով հագեցած առաջին գունդը մարտական հերթապահության կդրվի մինչև 2026 թվականի ավարտը:
