Մեկնարկել է նախադպրոցական հաստատության ղեկավարման իրավունքի հավակնորդների փաստաթղթերի ընդունումը. ինչպես դիմել
ՀՀ կրթության, գիտության, մշակույթի և սպորտի նախարար Ժաննա Անդրեասյանը հրաման է ստորագրել նախադպրոցական ուսումնական հաստատության ղեկավարման իրավունքի (հավաստագրման) քննությունների կազմակերպման նպատակով: Այս մասին հայտնում է ԿԳՄՍՆ-ն:
Հավակնորդների փաստաթղթերն ընդունվելու են առցանց՝ https://exams.emis.am/ հարթակի միջոցով, նոյեմբերի 27-ից դեկտեմբերի 17-ը ներառյալ: Համակարգը կգործի 24-ժամյա ռեժիմով:
Հավաստագրման քննությունների ժամանակացույցը կհաստատվի և սահմանված կարգով կհրապարակվի ԿԳՄՍ նախարարության կայքում:
