Ստամբուլի նախկին քաղաքապետ Էքրեմ Իմամօղլուն արդարացվել է «մրցույթի անցկացման ժամանակ կեղծիքի» գործով, որը կապված է Բեյլիքդյուզյու շրջանի վարչակազմի ղեկավար լինելու ժամանակահատվածի հետ:
Իմամօղլուի դեմ «կոռուպցիայի» գործը լսվել է այսօր առաջին ատյանի քրեական դատարանում։ Գործով մեղադրական եզրակացությունը նախատեսում էր մինչև յոթ տարվա ազատազրկում։ Իմամօղլուի դեմ այլ մեղադրանքներով դատավարությունները շարունակվում են։
Վերջերս գլխավոր ընդդիմադիր ուժ համարվող «Ժողովրդահանրապետական կուսակցության» անդամ՝ Ստամբուլի նախկին քաղաքապետին ներկայացվել է ևս մեկ մեղադրանք: Ընդդիմադիր տեսակետներ ներկայացնող TELE1 հեռուստաալիքի գլխավոր խմբագիր Մերդան Յանարդաղի հետ նա մեղադրվել է «լրտեսության» համար։
Էքրեմ Իմամօղլուի նկատմամբ սկսվել է «օտար երկրների օգտին լրտեսություն իրականացնելու» գործ, և նա շուտով կներկայանա հարցաքննության։
