Ավարտվել է շախմատի Եվրոպայի թիմային առաջնության 6-րդ խաղափուլը. որ հորիզոնականներում են Հայաստանի կանանց և տղամարդկանց հավաքականները

Ավարտվել է շախմատի Եվրոպայի թիմային առաջնության 6-րդ խաղափուլը։ Այս մասին հայտնել է Հայաստանի շախմատի ֆեդերացիան:

Հոկտեմբերի 10-ին Հայաստանի տղամարդկանց հավաքականը մրցել է Ադրբեջանի թիմի հետ։ Հանդիպումն ավարտվել է Ադրբեջանի օգտին՝ 2.5:1.5 հաշվով։

Կանանց հավաքականը նույնպես մրցել է Ադրբեջանի թիմի հետ, և հանդիպումն ավարտվել է Ադրբեջանի օգտին՝ 3:1 հաշվով։

Առաջնության ավարտին մնացել է 3 խաղափուլ։

Այս պահին Հայաստանի կանանց հավաքականը 36 թիմերի մեջ կիսում է 9-րդ հորիզոնականը, իսկ տղամարդկանց հավաքականը՝ 40 երկրների մեջ 11-րդ հորիզոնականը։

Վաղը հանգստյան օր է։ Հաջորդ խաղափուլը կմեկնարկի հոկտեմբերի 12-ին՝ Հայաստանի ժամանակով 15:00-ին։

7-րդ խաղափուլում մեր տղամարդկանց հավաքականը կմրցի Իսպանիայի հավաքականի հետ, իսկ կանանց հավաքականը՝ Հունգարիայի հավաքականի հետ։