Մի շարք թերություններ՝ Խարբերդի մասնագիտացված մանկատան վերանորոգման նախագծային աշխատանքներում. ԱՍՀ նախարարը հանձնարարականներ է տվել
Աշխատանքի և սոցիալական հարցերի նախարար Արսեն Թորոսյանն այսօր այցելել է «Խարբերդի մասնագիտացված մանկատուն» և ««Ձորակ» շուրջօրյա մասնագիտացված խնամքի կենտրոն» ՊՈԱԿ-ներ: Նախարարը շրջել է հաստատությունների տարածքներում, հետևել շինարարական և նախագծման աշխատանքների ընթացքին։ Այս մասին տեղեկացնում են ՀՀ աշխատանքի և սոցիալական հարցերի նախարարությունից:
«Խարբերդի մասնագիտացված մանկատուն» ՊՈԱԿ-ի վերանորոգման նախագծային աշխատանքներում արձանագրվել են մի շարք թերություններ, որոնց կապակցությամբ նախարար Արսեն Թորոսյանը հստակ հանձնարարականներ է տվել՝ կարճ ժամկետներում շտկել դրանք և ապահովել իրականացվող աշխատանքների բարձր որակը։
Այցի ընթացքում նախարարը կարևորել է նաև հաշմանդամություն ունեցող անձանց խնամքի, վերականգնողական և այլ ծառայությունների շարունակական բարելավումը՝ ընդգծելով նրանց կարողությունների զարգացմանն ու ինքնուրույն կյանքի հմտությունների ձևավորմանն ուղղված քայլերի անհրաժեշտությունը։
