Ուկրաինայի էներգետիկայի նախարարությունը հայտարարել է, որ Չեռնոբիլի ատոմակայանում էլեկտրաէներգիայի անջատումը արտակարգ իրավիճակ է առաջացրել։ Անջատում է տեղի ունեցել ԱԷԿ-ի ավերված չորրորդ ռեակտորային բլոկում։
Տելեգրամում տարածված հաղորդագրությամբ նախարարությունը տեղեկացրել է, որ «Էլեկտրաէներգիայի կտրուկ տատանումների հետևանքով Չեռնոբիլի ատոմակայանի չորրորդ էներգաբլոկը մեկուսացնող և շրջակա միջավայր ռադիոակտիվ նյութերի արտանետումը կանխող հիմնական տարրը՝ նոր անվտանգ փակման համակարգը, մնացել է առանց էլեկտրաէներգիայի»։
Ներկայում մասնագետները աշխատում են ատոմակայանի էլեկտրամատակարարումը վերականգնելու ուղղությամբ։
