Վերակառուցվում է Վարդենյաց լեռնանցքը շրջանցող 1,5 կմ ճանապարհահատվածը
Վերակառուցվում է Մ-10, Սևան-Մարտունի-Գետափ միջպետական նշանակության ավտոճանապարհի կմ79+060-կմ80+590 հատվածը՝ մոտ 1.5կմ երկարությամբ։ Այս մասին տեղեկացնում են «ճանապարհային դեպարտամենտ» հիմնադրամից:
1.5կմ երկարությամբ ճանապարհը շրջանցում է Վարդենյաց լեռնանցքի մի հատվածը, որը ձմռանը հաճախ էր փակվում ձնաբքի պատճառով։
Նոր ճանապարհի կառուցումը նպատակ ունի ձմռանն ապահովել անխափան ու անվտանգ երթևեկություն։
Շինարարությունը կատարվում է ՀՀ պետական բյուջեի միջոցներով։
