Իսրայելական ագրեսիվ գործողություններն ստիպեցին շեղվել դիվանագիտական ուղուց․ Արաղչի
Իրանի ԱԳ նախարար Աբաս Արաղչին հայտարարել է, որ Թեհրանն Օմանի հետ խորհրդակցություններ էր վարում ԱՄՆ հետ բանակցությունների նոր փուլի հարցով, սակայն Իսրայելի հարվածները Թեհրանին ու Վաշինգտոնին ստիպեցին դուրս գալ դիվանագիտության ուղուց։
«Ես օմանյան գործընկերոջս հետ խորհրդակցություններ էի ունենում ԱՄՆ կառավարության ներկայացուցիչների հետ բանակցությունների նոր փուլի անցկացման մասին, սակայն սիոնիստական ռեժիմի ագրեսիվ գործողությունները, երբ վերջինս հարձակվեց Իրանի վրա և սպանեց ռազմական ղեկավարների ու ակադեմիական էլիտայի ներկայացուցիչների, մեզ դիվանագիտության ուղուց շեղեցին»,- ասել է Արաղչին՝ իր հնդիկ գործընկեր Սուբրամանյամ Ջայշանկարի հետ հեռախոսազրույցի ընթացքում։
