Մոսկվան կոչ է անում Երևանին և Բաքվին զսպվածություն ցուցաբերել և քայլեր ձեռնարկել երկրների միջև սահմանին լարվածությունը թուլացնելու համար։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Վերահաստատում ենք մեր կոչը Բաքվին ու Երևանին՝ դրսևորել զսպվածություն, քայլեր ձեռնարկել լարվածությունը թուլացնելու համար և խուսափել գործողություններից, որոնք կարող են վատթարացնել իրավիճակը»,- ասել է Զախարովան։
Նրա խոսքով՝ Ռուսաստանը հետևում է Հայաստանի և Ադրբեջանի սահմանին տիրող իրադրությանը։
«Բոլոր անհրաժեշտ հարցերը պետք է լուծվեն բացառապես խաղաղ, քաղաքական ու դիվանագիտական ճանապարհով։ Ռուսաստանը պատրաստ է աջակցել իր գործընկերներին՝ հաղթահարելու մնացած հակասությունները՝ խաղաղության պայմանագիր կնքելու համար»,- ասել է նա։
