Գազայի հատվածում հրադադարի և պատանդների ազատ արձակման շուրջ խորհրդակցությունները, որոնք մեկնարկել են օգոստոսի 15-ին Դոհայում, կշարունակվեն այսօր:
Կատարի արտաքին գործերի նախարարության պաշտոնական ներկայացուցիչ Մաջիդ բեն Մուհամմեդ ալ Անսարին շեշտել է՝ Եգիպտոսի, Կատարի և ԱՄՆ-ի միջնորդները «վճռական են առաջ շարժվել»՝ հասնելու համաձայնության։
Երեկ հայտնի է դաևձել, որ Կատարի մայրաքաղաքում տեղի է ունեցել Մերձավոր Արևելքում կարգավորման հարցով բանակցությունների հերթական փուլը: Իսրայելական պատվիրակությունը գլխավորել է երկրի հետախուզական ծառայության տնօրենը։ ՀԱՄԱՍ-ը հրաժարվել է պատվիրակություն ուղարկել:
Ավելի վաղ BBC-ն, վկայակոչելով ՀԱՄԱՍ-ի ղեկավարության անդամներից մեկին, հայտնել էր, որ շարժումը չի մասնակցի բանակցությունների հերթական փուլին: ՀԱՄԱՍ-ի ներկայացուցիչը մեղադրել է Իսրայելին բանակցություններին ընդառաջ լրացուցիչ պահանջներ ներկայացնելու համար։ CBS News-ի տվյալով՝ ՀԱՄԱՍ-ը հայտարարել է, որ, այնուհանդերձ, Դոհայի բանակցություններից հետո պատրաստ է շփվել միջնորդների հետ:
