Sentyabrın 6-da Avropa Şurası Nazirlər Komitəsinin iclası keçirilib, iclasda Laçın dəhlizinin bağlanması və Dağlıq Qarabağdakı humanitar böhran müzakirə olunub.
AŞ-nin baş katibi Mariya Peyçinoviç Buriç AŞ-nin yüksək səviyyəli nümayəndə heyətinin may-iyul aylarında Ermənistan və Azərbaycana səfərlərinin nəticələrini Nazirlər Komitəsinə təqdim edib.
Bir sıra nümayəndə heyətləri, o cümlədən Avropa İttifaqının nümayəndə heyəti Laçın dəhlizindəki vəziyyətlə bağlı bəyanatlarla çıxış ediblər.
Ermənistanın daimi nümayəndəsi, səfir Arman Xaçatryan qeyd edib ki, Avropa Şurasının yüksək səviyyəli nümayəndə heyəti Ermənistana səfəri zamanı Laçın dəhlizinin başlanğıc nöqtəsinə gedərkən Laçın dəhlizinin tamamilə bağlanmasının şahidi olub.
O vurğulayıb ki, Azərbaycan öz əməlləri ilə öz əsl məqsədini, Dağlıq Qarabağda etnik təmizləmənin həyata keçirilməsini açıq şəkildə nümayiş etdirir ki, bu da Azərbaycanın Avropa Şurasına üzvlüklə üzərinə götürdüyü öhdəliklərlə bir araya sığmır.
Səfir Xaçatryan Okamponun hesabatına istinad edərək, Laçın dəhlizinin blokadasının soyqırım kimi qiymətləndirilməli olduğu qənaətini təqdim edib.
