Avqustun 9-da Ermənistan Təhlükəsizlik Şurasının katibi Armen Qriqoryan ABŞ Senatının Xarici Əlaqələr Komitəsinin administrasiya təmsilçiləri Sara Arkin və Damian Merfini qəbul edib.
ER Təhlükəsizlik Şurasının ofisindən verilən məlumata görə, Təhlükəsizlik Şurasının katibi komissiyanın nümayəndə heyətinin Ermənistana səfərini alqışlayıb və bu cür qarşılıqlı səfərlərin vacibliyini vurğulayıb. Görüşdə tərəflər regional və qeyri-regional təhlükəsizlik vəziyyəti ilə bağlı geniş spektrli məsələləri müzakirə ediblər.
Armen Qriqoryan Azərbaycanın Laçın dəhlizinin blokadaya alınması nəticəsində Dağlıq Qarabağda yaranmış humanitar böhranı, Dağlıq Qarabağ probleminin həlli ilə bağlı Ermənistan tərəfinin mövqeyini, Ermənistan-Azərbaycan münasibətlərinin nizamlanması prosesini həmsöhbətlərə təqdim edib.
Tərəflər Ermənistan-Amerika ikitərəfli gündəliyinin bir sıra məsələlərini də müzakirə ediblər.
